Psa 83 | VulgJ | STEP | in finem pro torcularibus filiis Core psalmus victori pro torculari filiorum Core canticum

Psalms 83

1 in finem pro torcularibus filiis Core psalmus ^va 2 quam dilecta tabernacula tua Domine virtutum ^va 3 concupiscit et defecit anima mea in atria Domini cor meum et caro mea exultavit in Deum vivum ^va 4 etenim passer invenit sibi domum et turtur nidum sibi ubi ponat pullos suos altaria tua Domine virtutum rex meus et Deus meus ^va 5 beati qui habitant in domo tua in saecula saeculorum laudabunt te diapsalma ^va 6 beatus vir cui est auxilium abs te ascensiones in corde suo disposuit ^va 7 in valle lacrimarum in loco quem posuit ^va 8 etenim benedictiones dabit legis dator ibunt de virtute in virtutem videbitur Deus deorum in Sion ^va 9 Domine Deus virtutum exaudi orationem meam auribus percipe Deus Iacob diapsalma ^va 10 protector noster aspice Deus et respice in faciem christi tui ^va 11 quia melior est dies una in atriis tuis super milia elegi abiectus esse in domo Dei mei magis quam habitare in tabernaculis peccatorum ^va 12 quia misericordiam et veritatem diligit Deus gratiam et gloriam dabit Dominus ^va 13 non privabit bonis eos qui ambulant in innocentia Domine virtutum beatus vir qui sperat in te

^va